Deiliskipulagsbreyting - Larsenstræti
Síðast tekið fyrir á fundi fyrir 2 árum síðan.
Skipulags og byggingarnefnd nr. 83
15. desember, 2021
Annað
‹ 7
8
9 ›
Fyrirspurn
Lögð fram að lokinni auglýsingu, breyting á gildandi deiliskipulagi verlunar- og þjónustulóða (28.5.2009) í og við Larsenstræti-Merkilandstún, á Selfossi. Í breytingunni fellst að lóðirnar nr.4, 6, 8, 10, 12 og 14 eru sameinaðar í eina lóð, sem verður eftir sameiningu 17.391,6m2 að stærð. Aðkoma að lóðunum verður sem fyrr frá Larsenstræti, en einnig er gert ráð fyrir aðgangsstýrðri aðkomu að sameinaðri lóð frá Gaulverjabæjarvegi. Deiliskipulagsbreytingin var auglýst skv. 41. gr. Skipulagslaga nr. 123/2010, í Lögbirtingarblaði, Dagskránni og Fréttablaðinu 27. október 2021 og var gefinn athugasemdafrestur til 8. desember 2021. Athugasemdir bárust frá forsvarsmönnum Hestamannafélagsin Sleipnis vegna fyrirhugaðrar aðkomu af Gaulverjarbæjarvegi, sem þeir telja að muni geta skapað hættu og truflun fyrir hestamenn og svæði þeirra. Þá er óskað eftir að reiðvegur frá íþróttavelli félagsins verði sýndur á uppdrætti.
Svar

Skipulags- og byggingarnefnd fer yfir innkomna athugasemd hestamannafélagsins. Skipulags- og byggingarnefnd bendir á að um aðgangsstýrða aðkomu frá Gaulverjabæjarvegi er að ræða og þar verður því takmörkuð umferð eingöngu ætluð flutningabílum. Skipulags- og byggingarnefnd bendir á að nú þegar hefur verið samþykkt að fara í heildarskipulagningu á svæði hestamannafélagsins þar sem m.a. verður fjallað um reiðleiðir innan svæðis og tengingar út fyrir svæðið. Vegna umsagnar Vegagerðarinnar dags. 15. desember 2021 mun verða sýnt veghelgunarsvæði á uppdrætti í samræmi við ábendingu.
Skipulags- og byggingarnefnd leggur til við bæjarstjórn að tillagan verði samþykkt og send Skipulagsstofnun til yfirferðar í samræmi við 42. gr. skipulagslaga nr. 123/2010.