Tillaga frá 122. fundi bæjarráðs frá 26. ágúst sl. liður 8. Varamenn í bæjarráði.
Á fundi bæjarráðs þann 8. júlí síðastliðinni kom upp ágreiningur um það hvort kalla mætti inn varamenn í bæjarráð af framboðslista þeirra framboða sem eiga aðalfulltrúa í bæjarráði. Miklu varðar að fá skorið úr ágreiningnum og því leitaði bæjarstjóri álits lögmanns Sambands íslenskra sveitarfélaga, Guðjóns Bragasonar. Í svari Guðjóns kom fram að þetta væri heimilt. Guðjón taldi þó, að þar sem ágalli var á kosningu í bæjarráð á fundi bæjarstjórnar í sumar væri rétt að endurtaka kosninguna og framkvæma hana á þann hátt sem bæjarmálasamþykkt mælir fyrir um.
Bæjarráð lagði því til við bæjarstjórn að kosning í bæjarráð yrði endurtekin á næsta fundi bæjarstjórnar.