Til máls tekur Rósa Guðbjartsdóttir og leggur til að bæjarstjórn samþykki svohljóðandi bókun:
Bæjarstjórn leggur áherslu á mikilvægi þess að heilsugæsla og hjúkrunarheimili rísi í Hamranesi þar sem sveitarfélagið hefur tekið frá lóð fyrir heilbrigðisþjónustu. Á þessu svæði munu búa um 10 þúsund manns þegar Vallahverfi, Skarðshlíð og Hamranes verða fullbyggð og því nauðsynlegt að hefja undirbúning og viðræður við heilbrigðisráðuneytið sem fyrst. Bæjarstjórn felur bæjarstjóra að fylgja málinu eftir.
Þá tekur Árni Rúnar Þorvaldsson til máls.
Er framangreind bókun samþykkt samhljóða.