5. liður úr fundargerð SBH frá 10.júní sl. Tekin til umræðu tillaga hafnarstjórnar að nýrri lóð nr. 33 við Óseyrarbraut. Hafnarstjórn samþykkti að ganga formlega frá skipulagi lóðarinnar samkvæmt yfirlitsteikningu Al-Ark arkitekta sem lögð var fram á 1327. fundi hafnarstjórnar 23. janúar 2008. Bæjarráð vísaði erindinu 16.03.2009 til umfjöllunar og afgreiðslu í skipulags- og byggingarráði. Frestað á fundi 222. Nýr deiliskipulagsuppdráttur dags. 02.04.2009 lagður fram. Hafnarstjórn samþykkti 13.05.2009 að óska eftir breytingu á aðalskipulagi, þannig að megin stofnbraut hafnarsvæðisins þ.e. Óseyrarbrautin verði felld út af aðalskipulaginu í þeirri mynd sem hún er sýnd þar eða að hún verði færð inná skipulagið í þeirri mynd sem hún er í dag.Erindið var til umfjöllunar á afgreiðslufundi skipulags- og byggingarfulltrúa 27.05.2009, sem vísaði því til skipulags- og byggingarráðs. Skipulags- og byggingarráð samþykkir að fela skipulags- og byggingarsviði að vinna tillögu að umbeðinni breytingu á Aðalskipulagi Hafnarfjarðar 2005 - 2025. Skipulags- og byggingarráð gerir eftirfarandi tillögu til bæjarstjórnar:
"Bæjarstjórn Hafnarfjarðar samþykkir að unnin verði tillaga að breytingu á Aðalskipulagi Hafnarfjarðar 2005 - 2025 hvað varðar legu Óseyrarbrautar."
Til máls tók Haraldur Þór Ólason. Þá Eyjólfur Sæmundsson.