Lúðvík Geirsson tók til máls. Þá Haraldur Þór Ólason og Lúðvík Geirsson. Haraldur Þór Ólason kom að andsvari sem ræðumaður svaraði. Rósa Guðbjartsdóttir tók til máls. Síðan Lúðvík Geirsson. Bæjarstjórn samþykkti tillögu bæjarráðs með 8 atkv. 3 sátu hjá. Rósa Guðbjartsdóttir gerði grein fyrir atkv. fulltrúa Sjálfstæðisflokks með svohljóðandi bókun: " Bæjarfulltrúar Sjálfstæðisflokksins sitja hjá þar sem þeir telja að réttara hefði verið að skoða launamál í sveitarfélaginu í víðara samhengi, td. hjá helstu stjórnendum bæjarins, eða tillögur um markvissa hagræðingu í stjórnsýslunni hefðu legið skýrar fyrir, áður en ákveðið var að afgreiða launahækkun hjá einum hópi bæjarstarfsmanna." Rósa Guðbjartsdóttir Haraldur Þór Ólason Almar Grímsson
Fundarhlé.
Lúðvík Geirsson kom að svohljóðandi bókun: " Bæjarfulltrúar Samfylkingar og Vinstri grænna leggja áherslu á að tryggt sé að með nýjum kjarasamningi við starfsfólk á leikskólum að starfsmenn verði ekki fyrir beinni launalækkun sem orðið hefði að óbreyttu í ýmsum tilfellum á gildistíma nýs samnings. Aðrar útfærslur varðandi hagræðingu í launmálum munu fyrst og fremst ná til þeirra sem hærri og hæstu laun í stjórnkerfi bæjarins og þær verða afgreiddar samhliða afgreiðslu fjárhagsáæltunar við síðari umræðu. Það vekur athygli að bæjarfulltrúar Sjálfstæðisflokksins telja ekki rétt að verja þau kjör sem starfsmenn leikskólanna hafa haft með sérstökum samhljóða samþykktum bæjarstjórnar í upphafi þessa árs."
Lúðvík Geirsson Ellý Erlingsdóttir Guðmundur Rúnar Árnason Margrét Gauja Magnúsdóttir Guðfinna Guðmundsdóttir Eyjólfur Sæmundsson Gísli Ó. Valdimarsson Jón Páll Hallgrímsson
Fundarhlé.