Fjörukráin ehf leggur inn reyndarteikningar þann 26.02.08 með samþykki eldvarnareftirlits. Teikningar hannaði Jón Þór Þorvaldsson. dags. 14.03.06. Skipulags- og byggingarfulltrúi frestaði erindinu 10.06.2009 þar sem innsend gögn voru ófullnægjandi. Skipulags- og byggingarfulltrúi gerði 02.09.2009 eiganda skylt að gera skil á þeim. Yrði það ekki gert innan fjögurra vikna mundi skipulags- og byggingarfulltrúi gera tillögu til skipulags- og byggingarráðs um beitingu dagsekta í samræmi við 57. grein skipulags- og byggingarlaga nr. 73/1997. Erindið var til umfjöllunar á afgreiðslufundi skipulags- og byggingarfulltrúa 28.10.2009, sem vísaði því til skipulags- og byggingarráðs með eftirfarandi tillögu: "Þar sem samþykktar teikningar liggja enn ekki fyrir gerir skipulags- og byggingarráð eiganda skylt að gera skil á þeim. Verði það ekki gert innan fjögurra vikna mun skipulags- og byggingarráð gera tillögu til bæjarstjórnar um beitingu dagsekta í samræmi við 57. grein skipulags- og byggingarlaga nr. 73/1997."