4. liður úr fundargerð SBH frá 18. nóv. sl. Tekin fyrir að nýju tillaga að breytingu á deiliskipulagi fyrir leikskólasvæðið skv. uppdrætti ASK-arkitekta dags. 06.09.2008. Tillagan var auglýst 23.09.2008 skv. 26. grein skipulags- og byggingarlaga nr. 73/1997 og lauk athugasemdafresti 04.11.2008. Athugasemd barst. Áður lagðar fram innkomnar athugasemdir og drög að svari við þeim. Frestað á síðasta fundi.
Skipulags- og byggingarráð gerir umsögn Skipulags- og byggingarsviðs að sinni, samþykkir deiliskipulagið og að málinu verði lokið samkæmt 26. grein skipulags- og byggingarlaga nr. 73/1997. Skipulags- og byggingarráð vísar málinu til bæjarstjórnar með eftirfarandi tillögu: "Bæjarstjórn Hafnarfjarðar samþykkir tillögu að deiliskipulagi fyrir svæði leikskólans Norðurbergs dags. 06.09.2008 og að málinu verði lokið samkæmt 26. grein skipulags- og byggingarlaga nr. 73/1997." Samþykkt með 3 atkvæðum. Fulltrúar Sjálfstæðisflokksins og Vinstri grænna sitja hjá. Fulltrúar VG og Sjálfstæðisflokks bóka eftirfarandi: Við skiljum þörfina fyrir leikskólarými en teljum ekki ásættanlegt að ganga svo á opið svæði til sérstakra nota og festa í sessi byggingarreit á hefðbundnu útivistarsvæði íbúa. Við sitjum því hjá við afgreiðslu málsins. Fulltrúar Samfylkingarinnar bóka eftirfarandi: Ákvörðun um að setja niður færanlegar kennslustofur við leikskólann Norðurberg hefur verið ítarlega kynnt og rædd með íbúum á svæðinu á s.l. mánuðum. Um er að ræða stofnanasvæði á aðalskipulagi. Utan náverandi leikskólalóðar kemur nýr byggingarreitur 250 m2 að stærð. Að öðru leiti mun útivistarsvæði ekki skerðast, leikvöllur helst óbreyttur.