Tekin fyrir að nýju athugasemd lóðarhafa í Skógarási H við heimild sem veitt var að hækka húsið að Skógarási E/6. Áður lögð fram könnun skipulags- og byggingarsviðs á afgreiðslum í Áslandi dags. 27.06.2008. Skipulags- og byggingarráð fól skipulags- og byggingarsviði að rannsaka mögulegar aðgerðir til leiðréttingar á málinu í samræmi við skipulags- og byggingarlög og reglugerðir. Áður lagt fram bréf Björns R. Ingólfssonar og Sigríðar B. Guðmundsdóttur, Skógarási 7, dags. 07.01.09. Skipulags- og byggingarfulltrúi ítrekaði 14.01.2009 beiðni um skýringar frá húseigendum. Áður lagt fram bréf Lúthers Sigurðssonar og Ingibjargar Ragnarsdóttur dags. 20.12.2007. Áður lögð fram uppfærð samantekt sviðsstjóra dags. 28.04.2009 ásamt sneiðingum sem sýna hæðir hússins. Skipulags- og byggingarráð gerði eigendum 12.05.2009 skylt að færa húsið til samræmis við samþykktar teikningar. Borist hefur kvörtun frá íbúum við götuna dags. 02.11.2009. Lögð fram uppfærð samantekt sviðsstjóra á ferli málsins dags. feb. 2010, samantekt sviðsstjóra á staðreyndum í málinu dags. feb 2010 ásamt síðustu samþykktum uppdráttum.