23. liður úr fundargerð SBH frá 3.nóv.sl. Borist hefur fyrirspurn um hvort framkvæmd við innréttingu á óeinangruðu skriðlofti sé samkvæmt útgefnu byggingarleyfi. Ítrekað var óskað eftir skýringum frá húseiganda, en ekkert svar barst. Við skoðun úttektarmanns hefur komið í ljós að framkvæmdir án tilskilins leyfis hafa verið gerðar. Skipulags- og byggingarfulltrúi vísaði 17.02.2009 í 1. mgr. 43. grein skipulags- og byggingarlaga og gerði eiganda skylt að fjarlægja þær framkvæmdir sem gerðar hafa verið án leyfis, eða sækja um leyfi fyrir þeim að öðrum kosti innan fjögurra vikna. Yrði ekki brugðist við erindinu mundi skipulags- og byggingarfulltrúi leggja til við skipulags- og byggingarráð að dagsektum verði beitt í samræmi við 1. mgr. 57. greinar skipulags- og byggingarlaga nr. 73/1997. Erindið var til umfjöllunar á afgreiðslufundi skipulags- og byggingarfulltrúa 25.03.2008, sem vísaði því til skipulags- og byggingarráðs með eftirfarandi tillögu: "Skipulags- og byggingarráð gerir húseiganda skylt að fjarlægja þær framkvæmdir sem gerðar hafa verið á leyfis, eða sækja um leyfi fyrir þeim að öðrum kosti innan fjögurra vikna. Verði ekki brugðist við því mun skipulags- og byggingarráð gera tillögu til bæjarstjórnar um að beitt verði dagsektum í samræmi við 57. grein skipulags- og byggingarlaga nr. 73/1997." Skipulags- og byggingarráð frestaði erindinu 07.04.2009 þar sem byggingarleyfisumsókn hafði borist. Mikið vantaði upp á þær teikningar, og hafa því fullnægjandi gögn enn ekki borist. Skipulags- og byggingarráð gerði 25.08.2009 húseiganda skylt að fjarlægja þær framkvæmdir sem gerðar hafa verið án leyfis, eða öðrum kosti að leggja inn fullnægjandi umsókn um leyfi fyrir þeim skv. 12.2 grein byggingarreglugerðar innan fjögurra vikna. Yrði ekki brugðist við því mundi skipulags- og byggingarráð gera tillögu til bæjarstjórnar um að beitt verði dagsektum í samræmi við 57. grein skipulags- og byggingarlaga nr. 73/1997. Umbeðin gögn hafa ekki borist. Skipulags- og byggingarráð eftirfarandi tillögu til bæjarstjórnar: "Bæjarstjórn Hafnarfjarðar samþykkir að áður boðaðar dagsektir á húseiganda verði kr. 20.000/dag og verði innheimtar frá og með 1. desember 2009, hafi umrædd gögn ekki borist fyrir þann tíma."