Tekin fyrir að nýju umsókn Guðmundar Ýmis Bragassonar og Guðrúnar Hallgrímsdóttur frá 19.03.09 um að rífa bílgeymslu, byggja nýjan bílskúr, stækka íbúðir á 1. og 2. hæð samkvæmt teikningum Jóns M. Halldórssonar dags. 17.03 09. Erindið var grenndarkynnt. Athugasemdir bárust. Skipulags- og byggingarráð fól 12.05.2009 skipulags- og byggingarsviði að vinna samantekt á innkomnum athugasemdum. Nýjar teikningar bárust 4. júní sl. Skipulags- og byggingarráð óskaði 09.06.2009 eftir uppfærðum skuggateikningum og fól sviðinu að kynna þær fyrir lóðarhöfum, sem gerðu athugasemdir í grenndarkynningu, Holtsgötu 16 og 18. Áður lagt fram bréf íbúa Holtsgötu 18 dags. 23.07.2009 og tölvupóstur íbúa Holtsgötu 16 dags. 23.07.2009. Áður lagðar fram nýjar teikningar dags. 10.08.2009. Skipulags- og byggingarsvið hefur áður gert grein fyrir fundi með hagsmunaaðilum 30.07.2009. Brugðist hefur verið við þeim athugasemdum sem fram komu að því marki sem það snertir hagsmuni nágrannanna. Frestað á síðasta fundi.