Borist hefur kvörtun vegna vinnupalla við Svöluás 5, sem búnir eru að standa í mörg ár og ekki gengið frá. Byggingarleyfi var samþykkt árið 2001 og breytingar árið 2002. Skipulags- og byggingarfulltrúi ítrekaði 08.05.13 tilmæli frá 22.04.09 um að ljúka frágangi húss og lóðar innan 4 vikna, en upplýsa að öðrum kosti um stöðu málsins. Skipulags- og byggingarfulltrúi ítrekaði enn 31.07.13 tilmæli um að ljúka frágangi húss og lóðar. Yrði ekki brugðist við því innan 4 vikna mundi skipulags- og byggingarfulltrúi leggja dagsektir á eiganda í samræmi við grein 2.9.2 í byggingarreglugerð nr. 112/2012 og 56. grein laga um mannvirki nr. 160/2010.