Geir Jónsson kvaddi sér hljóðs undir 1. lið - Bæjarráð, kosning varaformanns - og 6. lið - Stjórnsýsla endurskoðun 2010, úttekt - fundargerðar bæjarráðs frá 24. júní sl. Guðrún Ágústa Guðmundsdóttir tók til máls undir sömu liðum. Geir Jónsson tók til máls að nýju undir sömu bókun og lagði fram svohljóðandi bókun f.h. fulltrúa Sjálfstæðisflokks: "Bæjarfulltrúar Sjálfstæðisflokksins harma það að ekki skuli enn vera búið að ganga frá ráðningarsamningi við bæjarstjóra og ítreka jafnframt að skoða þurfi í því samhengi starfslokalið þess samkomulags með tilliti til þess að það auki ekki á kostnað bæjarins þar sem ljóst er að minnsta kosti tveir bæjarstjórar munu stýra bænum út þetta kjörtímabilið." Valdimar Svavarsson (sign) Jón Ingi Tómasson (sign) Kristinn Andersen (sign) Geir Jónsson (sign) Helga Ingólfsdóttir (sign) Guðrún Ágústa Guðmundsdóttir tók til máls og lagði fram svohljóðandi bókun f.h. fulltrúa Samfylkingar og Vinstri grænna: "Bæjarfulltrúar meirihluta bæjarstjórnar telja eðilegt að fyrir liggi samantekt á launakjörum sveitarstjóra í nærliggjandi sveitarfélögum eins og kynnt hefur verið, áður en gengið verið frá formlegri afgreiðslu á ráðningarsamningi." Guðrún Ágústa Guðmundsdóttir (sign) Guðmundur Rúnar Árnason (sign) Margrét Gauja Magnúsdóttir (sign) Gunnar Axel Axelsson (sign) Eyjólfur Sæmundsson (sign) Sigríður Björk Jónsdóttir (sign)