19. liður úr fundargerð SBH frá 2.nóv. sl. Snæbjörn Blöndal Blómvöllum 17 kvartar yfir frágangi á húsi og lóð Blómvalla 14, sem er timburhús sem reist var fyrir nokkrum árum, en aldrei klárað, t.d. ekki glerjað o.þ.h. Húsið og lóðin eru í dag notuð sem geymsla með tilheyrandi óþrifnaði. Skoðunarmaður skipulags- og byggingarsviðs hefur staðfest að svo sé. Skipulags- og byggingarfulltrúi gerði 10.03.10 eiganda skylt að ganga frá húsinu á viðunandi hátt í samræmi við grein 67.1 í byggingarreglugerð innan fjögurra vikna. Yrði ekki brugðist við því mundi skipulags- og byggingarfulltrúi vísa málinu til skipulags- og byggingarráðs með tillögu um dagsektir í samræmi við 57.grein skipulags- og byggingarlaga nr. 73/1997. Erindið var til umfjöllunar á fundi skipulags- og byggingarráðs sem samþykkti eftirfarandi 21.09.10: "Skipulags- og byggingarráð gerir eiganda skylt að ganga frá húsinu á viðunandi hátt í samræmi við grein 67.1 í byggingarreglugerð innan fjögurra vikna. Verði ekki brugðist við því mun skipulags- og byggingarráð vísa málinu til bæjarstjórnar með tillögu um dagsektir í samræmi við 57. grein skipulags- og byggingarlaga nr. 73/1997." Ekki hefur verið brugðist við erindinu. Skipulags- og byggingarráð gerir eftirfarandi tillögu til bæjarstjórnar: "Bæjarstjórn Hafnarfjarðar samþykkir að lagðar verði dagsektir á eiganda hússins Blómvellir 14 frá og með 01.01.2011, kr. 20.000/dag, verði ástand hússins ekki bætt fyrir þann tíma."