Guðmundur Rúnar Árnason, bæjarstjóri, tók til máls og gerði grein fyrir helstu áherslum í fjárhagsáætlun 2011. Þá tók til máls Valdimar Svavarsson. Forseti bæjarstjórnar lagði fram tillögu um að vísa fyrirliggjandi drögum að fjárhagsáætlun ársins 2011 og langtímaáætlun 2012-2014 til síðari umræðu í bæjarstjórn Hafnarfjarðar. Geir Jónsson tók til máls. Gert stutt fundarhlé. Bæjarstjórn Hafnarfjarðar samþykkti með 11 samhljóða atkvæðum að vísa fyrirliggjandi drögum að fjárhagsáætlun ársins 2011 og langtímaáætlun 2012-2014 til síðari umræðu í bæjarstjórn Hafnarfjarðar.