Svar

Hafnarfjarðarbær hefur kynnt fyrir velferðarráðuneytinu hugmyndir sínar um hvernig húsnæði fyrrum St. Jósefsspítala geti öðlast nýtt og verðugt hlutverk í þágu nærsamfélagsins í Hafnarfirði og lagt fram raunhæfar tillögur um leiðir í þeim efnum sem gætu gert sveitarfélaginu kleift að taka við húsnæðinu og gera á því nauðsynlegar breytingar. Í svarbréfi ráðherra kemur fram að hann telur sig ekki hafa heimild til að afhenda Hafnarfjarðarbæ þessar eignir á þeim forsendum sem fram koma í erindi Hafnarfjarðarbæjar og er erindinu því hafnað. Í ljósi þessa telur bæjarráð mikilvægt að fá skýr svör frá ríkinu um hverjar fyrirætlanir þess eru varðandi umræddar fasteignir, hvort til standi að setja þær í söluferli eða nýta þær undir starfsemi á vegum ríkisins. Felur bæjarráð bæjarstjóra að óska eftir þeim upplýsingum.