Einivellir 5 er skráð á byggingarstig 7, þrátt fyrir að engin lokaúttekt hafi átt sér stað. Skipulags- og byggingarfulltrúi boðaði til lokaúttektar 12.03.2012 kl. 15:00 í samræmi við 36. grein mannvirkjalaga nr. 160/2010. Skipulags- og byggingarfulltrúi boðaði til lokaúttektar 30.04.2012. Byggingarstjóra Anton Kjartanssyni var gert skylt að gera þær ráðstafanir sem lögin kveða á um. Sinnti hann ekki erindinu mundi skipulags- og byggingarfulltrúi beita ákvæði 56. og 57. greina sömu laga um dagsektir og áminningu. Skipulags- og byggingarfulltrúi lagði dagsektir kr. 20.000 á dag á byggingarstjóra Anton Kjartansson frá og með 1. september 2012 í samræmi við 56. grein laga um mannvirki nr. 160/2010 hefði hann ekki sótt um lokaúttekt fyrir þann tíma. Frekari gögn hafa komið fram sem sýna að stöðuúttekt/lokaúttekt fór ekki fram þegar fyrri byggingarstjóri sagði sig af verki, og telst hann því enn vera byggingarstjóri, en ekki Anton Kjartansson.