Gjótuhraun 7 er á byggingarstigi 3, þrátt fyrir að húsið virðist fullbyggt. Skipulags- og byggingarfulltrúi boðaði til lokaúttektar 09.03.2012 kl. 15:00 í samræmi við 36. grein mannvirkjalaga nr. 160/2010. Byggingarstjóra væri skylt að gera þær ráðstafanir sem lögin kveða á um. Sinnti hann ekki erindinu mundi skipulags- og byggingarfulltrúi beita ákvæði 56. og 57. greina sömu laga um dagsektir og áminningu. Ekki var brugðist við erindinu. Þar sem breytingar hafa verið gerðar á húsnæðinu án tilskilinna leyfa hafa verið lagðar inn reyndarteikningar. Afgreiðslu var frestað þar sem þær uppfylla ekki skilyrði byggingarreglugerðar.