Borist hafa vísbendingar um ósamþykkta íbúð og ólöglega búsetu að Dalshrauni 5. Húsið er á athafnasvæði og búseta því óheimil og erindi þar um hefur áður verið synjað. Borist hefur ábending frá einum eiganda um að búsetan sé í íbúðum sem ekki eru skráðar sem slíkar. Við vettvangsskoðun kom í ljós að gerðar hafa verið íbúðir í rýmum 201, 202 og 302 án þess að samþykktar teikningar lægju fyrir. Þar sem skráð hefur verið lögheimili í þeim tveimur eignarhlutum sem skráðar eru sem íbúðir gerði skipulags- og byggingarfulltrúi 28.11.12 ekki athugasemdir við búsetu í þeim. Frekari skráning íbúða í húsinu yrði ekki heimiluð í samræmi við ákvæði skipulagsreglugerðar nr. 400/1998, grein 4.6.1, og búseta í öðrum hlutum hússins er ekki heimil. Komið hefur í ljós að 24 einstaklingar eru skráðir á þær tvær íbúðir sem skráðar eru sem íbúðir í húsinu og því ljóst að einhverjir búa í þeim hlutum húsissins sem ekki eru skráðir sem íbúðir. Lagður fram tölvupóstur frá fasteignaskráningu Þjóðskrár.