Lögð fram eftirfarandi tillaga að ályktun: Bæjarstjórn Hafnarfjarðar lýsir fullum stuðningi við stjórn Slökkviliðs höfuðborgarsvæðisins í þeirri vinnu sem farið hefur fram óslitið frá því í október 2011 vegna endurnýjunar á samningi á sjúkraflutningum SHS. Samlegðaráhrif sjúkraflutninga og slökkviliðs eru ótvíræð auk þess sem fyrirsjáanleg fækkun slökkviliðsmanna í SHS vegna aðskilnaðs sjúkrafutninga frá slökkviliði mun skerða öryggi þeirra sem SHS þjónar. Skorað er á ríkisstjórn Íslands að efna samning við Slökkvilið höfuðborgarsvæðisins um sjúkraflutninga á svæðinu sem gerður var í febrúar 2013. Sá samningur hefur hvorki verið undirritaður né hefur ríkið greitt fyrir þjónustuna í samræmi við kostnaðarmat sem honum lá til grundvallar. Á meðan svo er niðurgreiða sveitarfélögin á höfuðborgarsvæðinu sjúkraflutninga en taka skal fram að sjúkraflutningar eru á verksviði ríkisins samkvæmt lögum.