6.liður úr fundargerð BÆJH frá 14.okt. sl. Lögð fram eftirfarandi tillaga um lækkun á verði atvinnulóða. "Bæjarstjórn Hafnarfjarðar heimilar bæjarráði að beita 6. gr. í samþykkt um gatnagerðargjald um sérstaka lækkunarheimild vegna atvinnulóða í Hafnarfirði. Heimild þessi nær einnig til að að bæjarráð geti veitt sérstakan afslátt ef framkvæmdir hefjast á úthlutaðri lóð innan eins árs og er lokið innan þriggja ára. Tilefni þessarar sérstöku lækkunar er sú kyrrstaða sem einkennt hefur eftirspurn eftir lóðum á höfuðborgarsvæðinu og nauðsyn þess stuðla að aukinni atvinnuuppbyggingu. Ákvörðun þessi gildir til loka árs 2015 nema hún verði afturkölluð fyrr eða sölu þeirra lóða við sem nú eru í boði er lokið." Bæarráð vísar fyrirliggjandi tillögu til bæjarstjórnar.
Bæjaráðsfulltrúar Sjálfstæðisflokksins leggja fram eftirfarandi bókun: "Bæjarráðsfulltrúar Sjálfstæðisflokksins fagna því að þetta skref í heimild til lækkunar verðs atvinnulóða sé nú stigið og að þar með sé tekið undir sjónarmið bæjarfulltrúa flokksins um lækkun lóðaverðs. Vísað er til tillögu bæjarfulltrúa flokksins í bæjarstjórn 9. maí 2012 þar sem lagt var til að lóðaverð yrði lækkað umtalsvert og fært í átt til þess verðgrunns sem notaður var fyrir verðhækkanir síðustu ára. Mikilvægt er að bæjarfélagið lagi sig að breyttu aðstæðum í þjóðfélaginu, leiðrétti lóðaverð og stuðli þannig að því að efla atvinnu í sveitarfélaginu."