Lögð fram eftirfarandi tillaga:
Bæjarstjórn Hafnarfjarðar samþykkir að Hafnarfjarðarbær leysi til sín fasteignirnar Suðurgötu 41 og 44 og felur bæjarstjóra samningaviðræður við Fasteignir ríkisins um kaup bæjarins á eignarhlut ríkisins.
Greinargerð: Undanfarna mánuði hafa staðið yfir viðræður milli Hafnarfjarðarbæjar og Fjármálaráðuneytisins um framtíð bygginga St. Jósefsspítala. Á sama tíma hafa fasteignirnar verið auglýstar til sölu af hálfu ríkisins. Á fundi bæjarstjórnar þann 14. október síðastliðinn var samþykkt að óska eftir því við ríkið að skipuð yrði forvalsnefnd sem hefði það verkefni að finna fasteignunum nýtt og viðeigandi hlutverk. Þeirri beiðni var synjað. Í framhaldinu hefur verið farið ítarlega yfir möguleikana í þessari stöðu. Niðurstaða bæjarstjórnar er að óska eftir því að fá að leysa eignirnar til sín svo tryggt sé að bærinn fái forræði yfir framtíðarhlutverki fasteignanna. Það er óásættanlegt að húsin standi áfram auð og brýnt að starfsemi komist aftur í þau. Með þessari tillögu vill bæjarstjórn tryggja að bærinn fái forræði yfir framtíðarhlutverki Suðurgötu 41 og 44 og að það verði í þágu nærsamfélagsins. Kaupum bæjarins á eignarhlut ríkisins yrði fylgt eftir með stofnun forvalsnefndar um framtíðarnýtingu fasteignanna.