Fífuvellir 2 er enn skráð á byggingarstigi 4, þótt það hafi fyrir löngu verið tekið í notkun og flutt inn í það. Lokaúttekt hefur ekki farið fram. Skipulags- og byggingarfulltrúi boðaði til lokaúttektar 12.08.2013 kl. 15 í samræmi við 2. mgr. 36. greinar laga um mannvirki nr. 160/2010. Byggingarstjóra/eiganda var gert skylt að gera viðeigandi ráðstafanir fyrir lokaúttektina. Sinnti hann ekki erindinu mundi skipulags- og byggingarfulltrúi beita ákvæði 56. og 57. greina sömu laga um dagsektir og áminningu. Húsið er skráð sem einbýlishús, en borist hafa ábendingar um að fleiri íbúðir séu í húsinu, sem er í ósamræmi við skipulag og leyfi liggur ekki fyrir.