Bæjarráðsfulltrúar Sjálfstæðisflokksins óska eftir upplýsingum um hvernig fyrirhugaðar framkvæmdir við uppbyggingu nýs skólahúsnæðis í Skarðshlíð og víðar í sveitarfélaginu verða fjármagnaðar. Formaður fræðsluráðs kynnti á fundi fræðsluráðs í vikunni og svo í fjölmiðlum í kjölfarið áform um byggingu skólahúsnæðis á Völlum og Skarðshlíð, tillögur sem hvorki hafa fengið efnislega umfjöllun í fræðsluráði né í öðrum ráðum bæjarins. Brýnt er að fjárhagslegar forsendur liggi fyrir sem fyrst nú þegar tillögur og loforð formanns fræðsluráðs hafa birst opinberlega og munu án efa vekja upp spurningar bæjarbúa, sérstaklega í ljósi afar þröngrar fjárhagsstöðu bæjarfélagsins