1.liður úr fundargerð UMFRAM frá 23.okt og 1.liður úr fundargerð BÆJH frá 24.okt. sl. Lögð fram skýrsla Sigurður H. Magnússon gróðurvistfræðings hjá Náttúrufræðistofnun Íslands um Þungmálma og brennisteinn í mosa á Íslandi 1990-2010: Áhrif iðjuvera. Á fundinn mæta Páll Stefánsson og Guðmundur Einarsson frá Heilbrigðiseftirliti.
Umhverfis og framkvæmdarráð tekur niðurstöðu skýrslunnar alvarlega og leggur til eftirfarandi: Umhverfis- og framkvæmdarráð óskar eftir að kannað verði hvort þörf sé á fleiri sýnitöku á mosa og jarðvegi, bæði innan iðnaðarsvæðisins og innanbyggðar á Völlum, til að fá fleiri mælingar þar sem framkomin rannsókn sýnir að veruleg mengun fannst í 2 sýnum af 11, með mjög afmarkaða staðsetningu. Umhverfis og framkvæmdarráð vill benda á loftmælingarstöðina sem staðsett er í dag á Hvaleyrarholti og hægt er að nálgast niðurstöður í rauntíma frá henni á heimasíður bæjarins, www.hafnarfjordur.is. Að auki verði komið verður upp loftmælistöð til að mæla loftgæði innan Vallarsvæðins. Mælingarnar verða framkvæmdar eins fljótt og mögulegt er og niðurstöður birtar opinberlega. Umhverfis ? og framkvæmdarráð óskar eftir frekari skoðun á svæðinu og að kortlagt verði hvaða mengunarvarnir fyrirtækin á svæðinu eru með og með hvaða hætti við getum unnið að því að draga úr mengun á iðnaðarsvæðinu. Strax verður hafist við aðgerðir til að bæta mengunarvarnir í samráði við Heilbrigðiseftirlitið og fyrirtækin á svæðinu. Það verður farið í þá vinnu algjörlega óháð því hvaða niðurstöður koma úr mælingunum. Verkefnastjóri verður Guðmundur Einarsson. Umhverfis- og framkvæmdarráð óskar eftir áfangaskýrslu innan 3ja mánaða frá Heilbrigðiseftirlitinu.