1. liður úr fundargerð FJÖH frá 12.mars sl. Runólfur Ágústsson ráðgjafi og Sveina María Másdóttir mættu til fundarins og kynntu skýrslu um verkefnið "Áfram! Ný tækifæri í Hafnarfirði" Verkefnið "Áfram! Ný tækifæri í Hafnarfirði" hefur það að markmiði að bæta þjónustu við notendur Fjölskylduþjónustu, skapa þeim raunhæf tækifæri til innkomu eða endurkomu á vinnumarkað og stuðla að betri nýtingu á því fjármagni sem varið er til fjárhagsstuðnings í samræmi við lög um félagsþjónustu sveitarfélaga.
Tillögurnar skiptast í eftirfarandi þætti:
1) Tillögur um breytingar á skipulagi Fjölskylduþjónustu. 2) Tillögur um vinnu- og virkniúrræði. 3) Tillögur um breytingar á greiðslum til þeirra sem hafna þátttöku í vinnu eða virkni.
Tillögunum fylgir framkvæmdaáætlun með tímasetningu einstakra þátta og markmiðssetningu um árangur, fjárhagsáætlun og skipulagsskjöl um eftirfarandi þætti:
4) Tillögur til breytingar á reglum um fjárhagsaðstoð hjá Hafnarfjarðarbæ. 5) Tillögur að verkferlum fyrir Fjölskylduþjónustu varðandi fjárhagsaðstoð. 6) Tillaga um árangurs- og gæðamat á verkefninu.
Fjölskylduráð samþykkir þessar tillögur fyrir sitt leyti og vísar til samþykktar í bæjarstjórn. 1., 2., 3., 5., 8. og 11.gr. reglna Hafnarfjarðarbæjar um fjárhagsaðstoð Hafnarfjarðarbæjar taka breytingum samkvæmt þeim tillögum sem fram koma í meðfylgjandi skýrslu um verkefnið og öðlast gildi við samþykkt bæjarstjórnar. Reglurnar taka gildi þann 3. apríl n.k. þegar verkefnið "Áfram! Ný tækifæri í Hafnarfirði" fer í gang. Fulltrúar Sjálfstæðisflokksins taka jákvætt í þessar tillögur og að þeim verði vísað til samþykktar í bæjarstjórn.