Lögð fram eftirfarandi tillag: Bæjarstjórn Hafnarfjarðar áréttar mikilvægi þess að hæfileikar allra séu virkjaðir og réttur allra til virkrar þátttöku í samfélaginu sé tryggður. Bæjarstjórn Hafnarfjarðar samþykkir að við yfirstandandi endurskoðun mannauðsstefnu Hafnarfjarðarbæjar verði áhersla lögð á að uppfylla ákvæði Samnings Sameinuðu þjóðanna um réttindi fatlaðs fólks. Í þeim tilgangi setji sveitarfélagið sér skýr markmið um að vinna gegn allri mismunun vegna fötlunar, meðal annars með því að tryggja framboð starfa, vinnufyrirkomulags, vinnutíma og starfsaðstöðu sem hentar fólki með mismunandi starfsgetu.