Tekið fyrir að nýju. Lögð fram eftirfarandi tillaga: "Bæjarráð styður hugmyndir undirbúningshóps um stofnun Markaðsstofu Hafnarfjarðar, sem tók til starfa í framhaldi opins fundar um málið í Hafnarborg 17. mars sl. Þar er gert ráð fyrir undirbúningsáfanga til 6 mánaða, þar sem starfsemin verður mótuð, aflað verður þátttakenda að verkefninu og fyrstu viðfangsefnum ýtt úr vör. Fyrir árslok verði Markaðsstofan formlega stofnuð á grunni undirbúningsvinnunnar. Bæjarstjóra er falið að vinna með fulltrúum hópsins að undirbúningsáfanganum og bæjarráð leggur til að Hafnarfjarðarbær veiti verkefninu stuðning með fjárframlagi að upphæð 6,0 mkr. og starfsaðstöðu meðan á undirbúningsáfanganum stendur. Auglýst verði eftir verkefnisstjóra og hann starfi undir stjórn verkefnishóps sem skipaður verði 4 fulltrúum undirbúningshópsins og 3 fulltrúum tilnefndum af bæjarráði 6 mánaða. Verkefnishópurinn er ólaunaður. Bæjarráð verði áfram upplýst um framvindu verkefnisins."