Notkun á heimasíðu Hafnarfjarðarbæjar tekin til umfjöllunar. Lögð fram eftirfarandi fyrirspurn: "Í ljósi þess að opinber heimasíða sveitarfélagsins hefur að undanförnu verið notuð sem einhliða málgagn fulltrúa meirihlutans, óska fulltrúar minnihlutans í bæjarráði eftir upplýsingum um hvaða reglur gilda um fréttir og miðlun á opinberri heimasíðu sveitarfélagsins. Sérstaklega er óskað upplýsinga um hvort það teljist eðlilegt að heimasíða bæjarins sé notuð fyrir álit og samþykktir meirihlutans og túlkun hans á umdeilanlegum málum. Ef sú notkun á heimasíðu bæjarins telst eðlileg og innan reglna óska fulltrúar minnihlutans eftir svörum við því hvort álit og samþykktir minnihlutans eigi þá ekki jafn mikið erindi á þessum vettvangi"