Svar

Til máls tekur Ólafur Ingi Tómasson.

Til máls tekur Gunnar Axel Axelsson. Til andsvars kemur Ólafur Ingi Tómasson.

Þá tekur til máls Adda María Jóhannsdóttir. Til andsvars kemur Ólafur Ingi. Adda María svarar andsvari.

Bæjarstjórn samþykkir með 6 atkvæðum gegn 5 fyrirliggjandi tillögu að breytingu á deilskipulagi Hamarsbrautar 5 og að málinu verði lokið í samræmi við 3. mgr. 41.gr. laga 123/2010.

Gunnar Axel Axelsson kemur að eftirfarandi bókun minnihluta Samfylkingar og Vinstri grænna:

"Bæjarfulltrúar minnihlutans hafa ítrekað bent á að í þessu máli hafi sjónarmið íbúa svæðisins ekki haft neitt vægi við meðferð þess og afgreiðslu. Hefur afgreiðslu málsins í tvígang verið frestað hér í bæjarstjórn, síðast með þeim orðum formanns bæjarráðs að ætlunin væri að reyna að bæta þar úr og ná sátt við íbúa við Hamarsbraut sem hafa ítrekað mótmælt breytingunni, meðal annars með vísan til þess að með henni sé gengið gegn nýlega samþykktu skipulagi svæðisins. Ekkert liggur fyrir í málinu nú sem bendir til þess að breyting hafi orðið á afstöðu íbúa á svæðinu né heldur að gerð hafi verið raunverleg tilraun af hendi bæjaryfirvalda til að mæta sjónarmiðum þeirra og skapa sátt um fyrirhugaða uppbyggingu. Af þeirri ástæðu getum við ekki samþykkt tillöguna og greiðum atkvæði gegn henni."

Gunnar Axel Axelsson
Adda María Jóhannsdóttir
Friðþjófur Helgi Karlsson
Sverrir Garðarsson