Svar

Til máls tekur Ágúst Bjarni Garðarsson og ber upp svohljóðandi tillögu:

„Í nýjum útboðsgögnum, vegna væntanlegs útboðs á skólamat, skal lögð sérstök áhersla á verslun með íslensk matvæli þar sem því verður við komið hverju sinni; sérstaklega verslun með íslenskt grænmeti og kjötafurðir. Auk þess verði gerð krafa á væntanlegan rekstaraðila um skýra upplýsingagjöf er varðar uppruna, innihaldslýsingar og framleiðsluhætti þeirra vara sem boðið er upp á. Þar má horfa til ýmissa opinberra gæðamerkinga, svo sem Skráargatsins og fleira. Innkaupastjóra og fræðsluþjónustu er falið að útfæra nánar og skila tillögum til fræðsluráðs svo fljótt sem verða má. Í vinnu þessari skal horfa sérstaklega til nýrra laga um opinber innkaup frá árinu 2016 ásamt innkaupa-, heilsu- og umhverfisstefnu Hafnarfjarðarbæjar þar sem m.a. er lögð áhersla á heilnæmi matvæla, jafnan aðgang að hollri fæðu á stofnunum bæjarins og umhverfisvottaðar vörur. Með áherslu á matvæli sem framleidd eru sem næst neytandanum, svokallaða staðbundna framleiðslu, er auðveldara að koma til móts við auknar kröfur um gæði, hreinleika og umhverfisvernd.“

Einnig tekur til máls Guðlaug Kristjánsdóttir. Ágúst Bjarni kemur til andsvars.

Næst tekur til máls Jón Ingi Hákonarson. Ágúst Bjarni kemur til andsvars og svarar Jón Ingi andsvari. Ágúst Bjarni svarar andsvari öðru sinni.

Friðþjófur Helgi Karlsson tekur þá næst til máls og til andsvars kemur Ágúst Bjarni. Einnig til andsvars kemur Kristín María Thoroddsen og Friðþjófur Helgi svarar andsvari. Þá kemur Kristín María til andsvars öðru sinni. Friðþjófur Helgi svarar andsvari.

Þá tekur til máls Adda María Jóhannsdóttir. Til andsvars kemur Ágúst Bjarni Garðarsson og svarar Adda María andsvari. Til andsvars öðru sinni kemur Ágúst Bjarni og svarar Adda María andsvari öðru sinni. Ágúst Bjarni kemur að lokum að stuttri athugasemd.

Næst til máls tekur Ólafur Ingi Tómasson.

Forseti ber næst upp framkomna tillögu til atkvæða og er hún samþykkt með níu greiddum atkvæðum. Þau Adda María Jóhannsdóttir og Friðþjófur Helgi Karlsson sitja hjá við atkvæðagreiðsluna. Í samræmi við efni tillögunnar er henni því vísað til innkaupastjóra og fræðsluþjónustu.

Þau Adda María Jóhannsdóttir, Friðþjófur Helgi Karlsson, Jón Ingi Hákonarson og Ágúst Bjarni Garðarsson gera grein fyrir atkvæðum sínum.