Á afgreiðlsufundi skipulags- og byggingarfulltrúa þann þann 20. janúar 2021 var samþykkt að grenndarkynna tillögu að breyttu deiliskipulagi Skarðshlíðar 3. áfanga er nær til lóðarinnar við Völuskarð 4 og að málsmeðferð verði í samræmi við 43.gr. skipulagslaga. Í breytingunni felst að: byggingareit er breytt, bílskúr verður hluti af aðalhæð og bundin byggingarlína færist fjær götu og verði nú bundin að lágmarki 7m í stað 9m. Að öðru leyti gilda skilmálar deiliskipulagsins. Erindið var grenndarkynnt frá 25.01-01.03.2021 með heimild til styttingar grenndarkynningar berist skriflegt samþykki þeirra sem grenndarkynninguna fengu. Skriflegt samþykki barst embættinu þann 05.02.2021 og telst nú grenndarkynningu lokið.