Þann 4.5.sl. leggur Hörður Þorgeirsson ehf inn umsókn um deiliskipulagsbreytingu á Skarðshlíð 2. áfanga er nær til lóðarinnar við Móbergsskarð 2. Í breytingunni felst að í stað þriggja íbúða húss verði komið fyrir parhúsi á lóðinni. Byggingareitur færist til og fjölgar um eitt stæði innan lóðar. Almenn stæði við götu hliðrast til. Þakkótar breytast en fara ekki umfram gildandi deiliskipulag. Að öðru leyti gilda skilmálar deiliskipulagsins.
Svar
Skipulagsfulltrúi samþykkir að erindið verði grenndarkynnt í samræmi við 2.mgr. 43.gr. skipulagslaga. Þeir sem fá grenndarkynninguna eru aðliggjandi lóðarhafar við Móbergsskarð 2 ásamt öðrum þeim sem taldir eru kunna að eiga hagsmuna að gæta.