Borist hefur kvörtun frá nágrönnum vegna slæms frágangs og slysahættu af byggingarframkvæmdum. Skipulags- og byggingarfulltrúi gerði 22.04.2009 eiganda og byggingarstjóra skylt að bæta úr þessu innan tveggja vikna. Yrði ekki úr því bætt innan tilskilins frests mundi skipulags- og byggingarfulltrúi gera tillögu til skipulags- og byggingarráðs um dagsektir í samræmi við 57 gr. skipulags- og byggingarlaga. "Skipulags- og byggingarráð gerði 26.05.2009 eiganda og byggingarstjóra skylt að bæta úr umgengni á lóðinni innan tveggja vikna. Verði ekki úr því bætt innan tilskilins frests mun skipulags- og byggingarráð gera tillögu til bæjarstjórnar um dagsektir í samræmi við 57 gr. skipulags- og byggingarlaga. Ekki var brugðist við því. Bæjarstjórn samþykkti dagsektir á eiganda og byggingarstjóra frá og með 01.09.2009. Eignin er komin í eigu Frjálsa Fjárfestingarbankans. Skipulags- og byggingarfulltrúi gerði 17.03.10 nýjum eiganda skylt að ganga þannig frá innan fjögurra vikna að ekki stafi slysahætta af og ekki sé til óprýði. Ekki hefur enn verið brugðist við erindinu og kvörtun barst á ný 15.01.2013.