Sótt er um leyfi til að innrétta veitingastað í flokki II tegund C í kjallara og á 1. hæð með opnun til 23.00 á virkum dögum og til 03 um helgar, til að lækka hluta gólfs um 70 cm og koma þar fyrir eldhúsi og snyrtingum, veitingastaður og opið eldhús verður á fyrstu hæð og geymslur og skrifstofur á annarri hæð í húsi á lóð nr. 9 við Frakkastíg.
Umboð frá eiganda dags. 27. júní 2017, umsögn skipulags dags. 28. október 2017, bréf hönnuðar um breytingar dags. 29. ágúst 2017, umsögn Minjastofnunar Íslands dags. 21. ágúst 2017 og 23. október 2017, hljóðvistaskýrsla dags. 28. ágúst 2017 og umsögn burðarvirkishönnuðar dags. 5. október 2017 fylgja erindi.
Útskrift úr gerðabók embættisafgreiðslufundar skipulagsfulltrúa frá 8. september 2017 fylgir erindinu, ásamt umsögn skipulagsfulltrúa dags. 6. september 2017.
Stækkun: 22,3 rúmm.
Gjald kr. 11.000 + 11.000