Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 16. apríl 2019 þar sem sótt er um leyfi til að setja upp fjórar færanlegar kennslustofur og tengigang á lóð skólans nr. 21-25 við Réttarholtsveg. Erindi var grenndarkynnt frá 24. maí 2019 til og með 25. júní 2019. Eftirtaldir aðilar sendu athugasemdir: Magnús Ögmundsson og Heiðrún Aðalsteinsdóttir dags. 17. júní 2019, Hafsteinn Óskarsson og Sigurrós Erlingsdóttir dags. 20. júní 2019. Einnig lögð fram umsögn skipulagsfulltrúa dags. 28. júní 2019. Umsögn skipulagsfulltrúa dags. 25. júní 2019 samþykkt. Vísað til fullnaðarafgreiðslu byggingarfulltrúa.