Lagt fram erindi frá afgreiðslufundi byggingarfulltrúa frá 12. febrúar 2019 þar sem sótt er um að hækka þak og byggja kvisti til norðurs og suðurs jafnframt því að innrétta íbúðarrými í risi, reisa viðbyggingu á tveimur hæðum til suðurs ásamt svölum fyrir 2. hæð og svölum á þaki viðbyggingar, aðgengilegum úr risi íbúðarhúss á lóð nr 27 við Hólmgarð. Um er að ræða tveggja hæða íbúðarhús með tveimur íbúðum með sérinngangi. Samliggjandi er samhverft hús á lóð nr 25 og er verið að sækja um samskonar breytingu á því húsi. Einnig er lögð fram umsögn skipulagsfulltrúa dags. 15. febrúar 2019.
Erindi fylgir þinglýst yfirlýsing og kvöð um samþykki eigenda Hólmgarðs 25 og 27 dags. 30.október 2018. Gjald kr. 11.200