Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 20. júlí 2021 þar sem sótt er um leyfi til þess að gera viðbyggingu á einni hæð með þaksvölum við austurhlið, gera nýjan kvist á vesturþekju og færa inngang einbýlishúss á lóð nr. 3A við Brekkustíg. Einnig er lagt fram skuggavarpsuppdr. Birtu Fróðadóttur dags. 11. ágúst 2021. Erindi var grenndarkynnt frá 30. september 2021 til og með 28. október 2021. Engar athugasemdir bárust.
Erindi fylgir skuggavarp fyrir og eftir breytingu dags. 14. júní 2021, bréf frá hönnuði dags. 14. júní 2021, umsögn burðarvirkishönnuðar dags. 11. júní 2021, samþykki eigenda lóðar nr. 5 og 3 dags. 14. júní 2021, hæðablað dags.14. júní 1999 og yfirlit breytinga á uppdráttum samþykktum 25. apríl 2006. Gjald kr. 12.100