Lagt fram erindi frá afgreiðslufundi byggingarfulltrúa frá 31. mars 2015 þar sem sótt er um leyfi til að endurbyggja hús sem fyrir er á nýjum kjallara sem er hluti steinsteyptrar viðbyggingar sem er fjórar hæðir og kjallari með verslun á jarðhæð og í kjallara og sex íbúðum á 2. til 4. hæð á lóð nr. 30 við Klapparstíg. Einnig er lögð fram umsögn skipulagsfulltrúa dags. 10. apríl 2015.
Erindi fylgir greinargerð hönnunarstjóra, yfirlýsing um hönnun raflagna, yfirlýsing um hönnun lagna og burðarvirkis, útreikningur á varmatapi dags. 5. janúar 2015 og umsögn Minjastofnunar Íslands dags. 24. febrúar 2015.
Útskrift úr gerðabók embættisafgreiðslufundar skipulagsfulltrúa frá 16. janúar 2015 fylgir erindinu ásamt umsögn skipulagsfulltrúa dags. 16. janúar 2015. Stækkun: Kjallari 272,8 ferm., 1. hæð 214,7 ferm., 2. hæð 183,8 ferm., 3. og 4. hæð 176,6 ferm. Samtals: 861,9 ferm., 3.071,1 rúmm. Gjald kr. 9.500