Á embættisafgreiðslufundi skipulagsfulltrúa 28. október 2016 var lögð fram umsókn Plúsarkitekta, dags. 3. júní 2016 varðandi breytingu á deiliskipulagi Bykoreits skv. tillögu að forhönnun, dags. 14. júní 2016. Helstu breytingar eru: að skilgreina fjölda íbúða samkvæmt AR 2010-30 og að skilgreina landnotkun í samræmi við stefnu í AR 2010-30 um aðalgötur. Erindinu var vísað til meðferðar hjá verkefnisstjóra og er nú lagt fram að nýju. Einnig er lagt fram bréf Ingva Arnars Sigurjónssonar, Jóns Sigurðssonar og Önnu Sigurborgar Ólafsdóttur f.h. húsfélaga að Sólvallagötu 80, 82 og 84, dags. 9. september 2016. Erindinu var frestað og er nú lagt fram að nýju ásamt fundargerð af fundi skipulagsfulltrúa með fulltrúm húsfélagsins Sólvallagötu 80-84, dags. 4. nóvember 2016.