Að lokinni kynningu er lögð fram að nýju lýsing umhverfis- og skipulagssviðs dags. 6. desember 2017 vegna gerð deiliskipulags fyrir Elliðaárvog/Ártúnshöfða, svæði 1. Svæðið afmarkast af Miklubraut/Vesturlandsvegi til suðurs Elliðaárvogi til vesturs, Grafarvogi til norðurs og Gullinbrú til austurs og er um það bil 130 ha að stærð. Svæði 1 á Ártúnshöfða er um það bil 16 ha að stærð. Kynning stóð til og með 26. janúar 2018. Eftirtaldir aðilar sendu inn umsagnir: Heilbrigðiseftirlits Reykjavíkur dags. 16. janúar 2018, Skipulagsstofnun dags. 17. janúar 2018 og Veitur dags. 26. janúar 2018.