Á fundi skipulagsfulltrúa 15. júlí 2016 var lögð fram umsókn Kurt og Pí ehf. , mótt. 25. maí 2016, varðandi breytingu á deiliskipulagi reits 1.173.0 vegna lóðar nr. 63 við Laugaveg. Í breytingunni felst að breyta risi í þeim hluta hússins sem snýr að Vitastíg í íbúð, lengja núverandi kvist á norðvestur hlið og gera innbyggðar svalir á þakinu, samkvæmt uppdrætti Kurt og Pí ehf. , dags. 18. maí 2016. Einnig er lagt fram samþykki meðlóðarhafa, dags. 1. júní 2015. Erindinu var vísað til umsagnar skipulagsfulltrúa og er nú lagt fram að nýju, ásamt umsögn skipulagsfulltrúa dags. 19. ágúst 2016.