Á fundi skipulagsfulltrúa 28. ágúst 2015 var lögð fram fyrirspurn ION hótel ehf., dags. 20. ágúst 2015, varðandi breytingu á deiliskipulagi reits 1.172.2 vegna lóðarinnar nr. 28 við Laugaveg. Í breytingunni felst hækkun á hluta hússins sem stendur næst baklóð og breyta rishæð í full nýtanlega inndregna hæð, samkvæmt uppdrætti Preliminary Design, Gunnar B. Stefánsson arkit., dags. 4. ágúst 2015. Fyrirspurninni var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa dags. 2. september 2015.