Á embættisafgreiðslufundi skipulagsfulltrúa 11. janúar 2019 var lögð fram umsókn Arkþings ehf. dags. 2. janúar 2019 varðandi breytingu á deiliskipulagi Grundarhverfis vegna landsins Jörfi á Kjalarnesi. Í breytingunni felst að að landi Jörfa verði bætt við núverandi gildandi deiliskipulag og skipt í þrjár aðskildar lóðir: lóðir E1, E2 og E3. Á lóðunum E2 og E3 er gert ráð fyrir íbúðarbyggingum með möguleika á verslun/þjónustu á jarðhæð byggingar E2B, með það í hyggju að byggja íbúðarbyggð með möguleika á atvinnu/verslunarhúsnæði í hluta bygginga sem liggja við Brautarholtsveg, samkvæmt uppdr. Arkþings ehf. dags. 2. janúar 2019. Einnig er lögð fram fornleifaskráning Minjastofnunar Íslands frá 2003. Erindinu var vísað til meðferðar hjá verkefnisstjóra og er nú lagt fram að nýju.