Á embættisafgreiðslufundi skipulagsfulltrúa 25. ágúst 2017 var lögð fram umsókn skrifstofu framkvæmda og viðhalds, mótt. 24. ágúst 2017, um framkvæmdaleyfi vegna gatnagerðar á svæði 2 í Vogabyggð. Verkefnið felst í endurgerð núverandi gatna og gerð nýrra gatna í Vogabyggð ¿ svæði 2 eins og það er skilgreint í greinargerð deiliskipulagsins. Um er að ræða framkvæmdir við gerð gatna, gangstétta og lagna á svæðinu. Verkið felst í megindráttum í gerð nýrra gatna, fullnaðarfrágangi stofn- og dreifilagna í götustæði og lokafrágang á yfirborði. Verkefnið er áfangaskipt eins og fram kemur á meðfylgjandi teikningu. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 1. september 2017.