Á embættisafgreiðslufundi skipulagsfulltrúa 21. september 2017 var lögð fram umsókn skrifstofu eigna og atvinnuþróunar, mótt. 14. september 2017, varðandi breytingu á deiliskipulagi Breiðholt I vegna lóðar nr. 1 við Fálkabakka. Í breytingunni felst að færa inn núverandi aðstæður s.s. byggingu, stíg og bílastæði auk þess að færa innkeyrslu, breyta lóðarmörkum, útbúa byggingarreit og skammtímastæði, skv. uppdrætti Landslags ehf. , dags. 7. september 2017. Erindinu var vísað til umsagnar verkefnisstjóra og er nú lagt fram að nýju.