Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 3. júní 2014 þar sem sótt er um leyfi til að byggja steinsteyptan bílskúr við einbýlishús á lóð nr. 35 við Reykjavikurveg. Tillagan var grenndarkynnt frá 16. júní til og með 14. júlí 2014 en þar sem samþykki hagsmunaaðila barst 18. og 24. júní 2014 er erindið lagt fram að nýju. Lagður fram uppdráttur dags. 26. maí 2014 með undirrituðu samþykki hagsmunaaðila, móttekið 18. júní 2014. Jafnframt lagður fram tölvupóstur dags. 24. júní frá Andra Björnssyni og tölvupóstur frá Katrínu Kristjánsdóttur dags. sama dag, þar sem fram kemur að ekki séu gerðar athugasemdir við erindið. Einnig er lagður fram tölvupóstur umsækjanda dags. 18. júní 2014 þar sem lýst er yfir að samþykki allra hagsmunaaðila liggi fyrir erindinu.
Stærð: 44,7 ferm., 166 rúmm. Gjald kr. 9.500