Á fundi skipulagsfulltrúa 15. ágúst 2014 var lögð fram fyrirspurn Helgu Rakelar Stefnisdóttur dags. 13. ágúst 2014 ásamt bréfi Stefáns Þ. Ingólfssonar ark. dags. 10. ágúst 2014 um að hækka þak hússins á lóðinni nr. 9 við Þórsgötu, fjarlægja gamlar skúrbyggingar og byggja bílgeymslu í norðvesturhorni lóðarinnar, samkvæmt tillögu Mannvirkjameistarans ehf. dags. 10. ágúst 2014. Einnig er lögð fram umsögn Minjastofnunar Íslands dags. 25. ágúst 2014. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 1. september 2014.