Á embættisafgreiðslufundi skipulagsfulltrúa 23. júní 2017 var lögð fram umsókn skrifstofu framkvæmda og viðhalds, dags. 20. júní 2017 um framkvæmdaleyfi vegna stígagerðar við Birkimel skv. uppdr. Eflu, dags. 19. júní 2017. Framkvæmdin gengur út á breytingu á gangstétt milli Hringbrautar og Hagatorgs í sameiginlegan stíg gangandi/hjólandi, þrengingu í götu við biðstöðvar, færslu á biðstöðvum strætó að vestanverðu í þrengingar, upprif á núverandi gangstéttum og hluta götu, endurnýjun hitaveitulagna að hluta, útskipting á götulýsingu, hellulagning í þrengingum og malbikun á sameiginlegum stíg. Erindinu var vísað til umsagnar verkefnisstjóra og er nú lagt fram að nýju ásamt umsögn skipulagsfulltrúa, dags. 28. júní 2017.