Á embættisafgreiðslufundi skipulagsfulltrúa 9. mars 2018 var lögð fram fyrirspurn Halldórs Haukssonar mótt. 20. febrúar 2018 um að hækka og setja lágt ris á viðbyggingu hússins á lóð nr. 70 við Heiðargerði, sleppa kjallara en setja viðbygginguna út að lóðarmörkum byggingarreits þrjá metra frá lóðarmörkum og setja þriðja kvistinn á austurhlið hússins til samræmis við vesturhlið, samkvæmt teikningum, ódags. Fyrirspurninni var vísað til umsagnar verkefnisstjóra og er nú lögð fram að nýju ásamt umsögn skipulagsfulltrúa dags. 23. mars 2018.