Að lokinni grenndarkynningu er lögð fram að nýju umsókn Richards Ólafs Briem dags. 26. ágúst 2019 varðandi breytingu á deiliskipulagi Nýlendureits vegna lóðarinnar nr. 1 við Seljaveg. Í breytingunni felst að heimilt er að byggja nýbyggingu á lóð í stað þess að koma fyrir flutningshúsi, samkvæmt uppdr. VA arkitekta ehf. dags. 18. ágúst 2019 br. 21. febrúar 2020. Einnig er lagður fram skýringaruppdr. dags. 21. febrúar 2020, tölvupóstur Minjaverndar dags. 26. ágúst 2019, umsögn skipulagsfulltrúa dags. 21. febrúar 2020 og skuggavarpsuppdr. dags. 9. mars 2020. Erindi var grenndarkynnt frá 13. mars 2020 til og með 14. apríl 2020. Engar athugasemdir bárust.